E mbani mend që kur ishim fëmije gjithcka kishte më shumë kuptim? Atëherë ishte shumë më e lehte të besoje në mrekulli.  E ndërkohë duke u rritur u mësuam dalëngadalë me zhgenjimet. Vite më pare doja të studioja mjekesinë pasi ndihesha mire sa herë mundesha të përmirësoja sadopak shëndetin e dikujt. Kur nisa fakultetin pritshmëritë për atë që më priste ishin shumë të larta, mendoja se kur të përfundoja studimet do arrija të bëja ndryshime radikale në shëndetin dentar, por ndër vite zbulova se është shumë e vështirë të arrish perfeksionin, se rruga drejt trajtimit mund të jetë plot me të papritura dhe e vetmja siguri ështe protokolli, megjithatë falë edukimit dhe eksperiencave të para arrita në konkluzionin se me informacionin e nevojshëm, durimin dhe deshirën për të punuar, arrihet t`u afrohet shumë mrekullive. Zbulim ky qe nisi qe me higjienizimin dentar, trajtimet endodontike dhe rikonstruksionet estetike e deri te trajtimet ortodontike, të cilat që prej 8 vjetesh u kthyen ne fokusin kryesor që udhëhoqi karrierën time. Ortodoncia te femijet ka potencialin të modifikojë, udhezojë rritjen harmonike të kompleksit kranio-facial duke shmangur në masë nevojën për ndërhyrje/kamuflim, si ndodh jo rrallë herë te të rriturit, te të cilët vetëm nëpërmjet lëvizjeve dentare mund të përmirësojmë ndjeshëm jo vetem estetiken, por edhe funksionin, duke arritur në këtë mënyre një stabilitet natyral.  Ndër vite, gjatë eksperiences klinike dhe jo vetëm, kam arritur në përfundimin se cdo rrugëtim vijon mbarë dhe këndshëm kur informacioni është i plote, komunikimi transparent, ndjekja dhe perkushtimi në kohë të vazhdueshme. Është nder dhe krenari për mua të shoh sesi përfundojnë trajtimin ortodontik +100 paciente te kënaqur dhe ndërkohë shumë të tjerë paraqiten qoftë edhe thjeshtë për nj konsultë. Buzeqeshjet e tyre plot shkëlqim janë motivimi më i madh për mua. Ky realitet bëri që `Zana e dhëmbit` të rikthehet gati për të dhuruar te tjera buzëqeshje plot jetë.